මට කඳුළු එන්න කලියෙන් මං දමායන්න...


"ඕක උඹේ අන්තිම තීරණේ ද..?"


"මේක අන්තිම තීරණේ වෙන්න මං වෙන තීරණේක හිටියෙ නැහැනෙ සිතූ..."


"මොකද්ද මේකෙ තේරුම සංදු..?"


"මොකේද..?"


"මෙහෙම කරන එකේ..."


"කොහොම කරන එකේද...?"


"ඇයි මොකුත් තේරෙන්නෙ නෑ වගේ කතාකරන්නෙ..?"


"තේරෙන්නෙ නැති නිසා තමයි සිතූ මං අහන්නෙ... උඹ මොකද්ද දැන් මට කරන්න කියන්නෙ...?"


"මගෙන් පළිගන්න වගේ වැඩ කරන්න එපා සංදු..."


"මං කවදද එහෙම වැඩ කරල තියෙන්නෙ...? අනික උඹෙන් පළිගන්න උඹ මට කරපු වැරැද්ද මොකද්ද...? උඹට හිතෙනවද උඹ මට වැරද්දක් කරල තියෙනව කියල සිතූ..??"

"මේ පළිගන්නවා නෙමෙයිද...? බෙස්ට්මන් වෙන්න කිව්වම ඒක බෑ කිව්වා.. ඒක කමක් නෑ කියමු.. ඒ පාර වෙඩින් එකට එන්නත් බැරිලු. ඇයි සංදු...??? මං මේ රජවෙන්න යනවා නෙමෙයිනේ.. අනික මේ මගේ තනි තීරණයක් නෙමෙයි. උඹ.. උඹ... උඹමයි කිව්වේ... මීට වඩා හොඳයි... ෂිට්..."


"උඹ කියන්නෙ මේ වෙඩින් එක සිද්දවෙන්නෙ මගේ උවමනාව නිසා කියලද සිතූ..?? කසාද බඳින්නෙ උඹ.. මම නෙමෙයි. උඹට බඳින්න කියල ගෙදරින් බල කරනව කිව්වමයි මං කිව්වෙ ආන්යට කැමති වෙයං කියල. හිතනවද... හිතනවද උඹ මං මේ දේවල් දිහා හරි සතුටෙන් බලාගෙන ඉන්නව කියල...??"


"මං නොදන්නවා නෙමෙයි දෙයියනේ... මගේ ඔළුව යකාගෙ කම්මල වගේ වෙලා. ඇයි සංදු...? ඇයි...?? මං අම්මලට මොනවද කියන්නෙ..? බෙස්ට්මන් වෙන්න බෑ කිව්වම මං ඒ ප්‍රශ්නෙ කොහොමහරි විසඳුවා. දැන් වෙඩින් එක හෙට. උඹ කියනවා එන්නෙ නෑලු.. මගේ හොඳම යාළුවා අද වෙනකන් වෙඩින් එකේ හැම වැඩකටම උදව් කරලා වෙඩින් එකට නැති උනාම..."


"උඹේ අම්මල වෙනුවෙන් මට තවත් මගේ පපුව පුච්චගන්න බෑ සිතූ.. මං මගේ ජිවිතේ.. මගේ පණ.. එයාල වෙනුවෙන් වෙන කෙනෙක්ට දෙනවා.. තවත් මොනවද සිතූ..??"


"මට සමාවෙයන් සංදු... මං මහ කාලකන්ණියෙක්..."


"සමාව ඉල්ලන්න ඕන නෑ සිතූ.. උඹවත් මමවත් උඹේ අම්මලවත් ආන්යවත් වැරදි නෑ.. අපි කවුරුත් වැරදි නෑ.."


"මට තේරෙන්නෙ නෑ බං සංදු..."


"තේරුම්ගන්න උත්සාහ කරන්නත් එපා සිතූ.. මේ වෙන දේවල් දිහා මේ විදියට අපි බලාගෙන ඉමු.. ඒත්.. ඒත් දැන් එක දෙයක් කරපං.."


"මොකද්ද සංදු...?? මට මැරෙන්න කියපන්.. මං ඒකත් කරනවා.."


"ප්ලීස්... දැන් උඹ පලයන්..."


"සංදු..???"


"ඔව් සිතූ.. දැන් උඹ පලයන්.. උඹ මගේ කියන හැඟීම හිතේ තියාගෙන ඉන්න මට නිදහස තියෙන්නෙ තව පැය ගානයි.. ඒත් උඹව පෙනි පෙනී මට එහෙම හිතන්න බෑ.. ඒ නිසා දැන් පලයන්.."


"සංදු... මං..."


"මාව අල්ලන්න එපා සිතූ.. ප්ලීස්... අනික මාව අල්ලලා නළවලා පරක්කරන්න මං අඬන්නේ නෑ... බලපන්... බලපන් මගේ ඇස් වල එක කඳුළු බිංදුවක් තියේද කියලා.. මං අඬන්නේ නෑ.. මට අඬන්න ඕනත් නෑ.. මං හිනා වෙනව සිතූ.. හැමදාම හිනා වෙනවා.. මං මගේ පණ ආන්යට දුන්නට හුස්ම ටික මගේ ගාව තියාගන්නවා... ඉතිං මං අඬන්නේ මොකටද..??"


"සංදු.. මට..."


"තව මොකවත් නොකියා මෙතනින් පලයන් සිතූ.. පලයන්.. ප්ලීස් ලීව් මී අලෝන්...."


මට කඳුළු එන්න කලියෙන් මං දමායන්න
නෑ හයියක් මට නුඹ දැක දැක පලායන්න
මට කඳුළු එන්න කලියෙන් මං දමායන්න


මේ පුර හඳකට පෝය ලැබෙන අන්තිම මොහොතයි
හෙට අවපස වී මං එනකොට අඬන්න නරකයි
තව එපා ඉන්න... තව එපා ඉන්න...
ඔය ඇස් බැලුවම මට බෑ හෙට තැලි අඳින්න
මට කඳුළු එන්න කලියෙන් මං දමායන්න


සඳ එන අහසක සුදු සීතල සැමදා නුඹටයි
අපි හිනැහී ඉමු හැමදාකම අපි අප ළඟමයි
දැන් ඉතිං යන්න... දැන් ඉතිං යන්න...
අතැඟිලි වැදුනම බැරිවෙයි මුදු පළඳවන්න

Share on Google Plus

About GetRealForum

This is a short description in the author block about the author. You edit it by entering text in the "Biographical Info" field in the user admin panel.
    Blogger Comment
    Facebook Comment

0 comments:

Post a Comment